Dansk-norsk Ordbog av Ivar Aasen

Omtale

Dansk-norsk Ordbog er eit verk som Ivar Aasen arbeidde med i mange år. Han avslutta manuskriptet i 1883, utan å lata det prenta. Aasen skjøna at det var naudsynleg å finna avløysingsord for mange av orda i det dansk-norske skriftspråket, dersom landsmålet skulle koma i bruk på alle område. Her vert den alfabetiske samlinga med ord frå det skriftspråket som då var rådande i Noreg, sett opp med avløysingsorda åt Aasen. Ordboka har ikkje vore utgjeven tidlegare.

Dansk-norsk Ordbog av Ivar Aasen er utgjeven av professorane Jarle Bondevik og Oddvar Nes, Nordisk institutt, Universitetet i Bergen, og fyrsteamanuensis Terje Aarset, Høgskulen i Volda. Innleiinga er skriven av Jarle Bondevik og Mange Myhren.

Ivar Aasen-selskapet har i hovudsak til oppgåve å gjeva ut uprenta manuskript etter Ivar Aasen. Selskapet gjev ut to seriar, Serie A, Tekster, og Serie B, Kommentarar og studiar.