Vreiden

Omtale

For meir enn to hundreår sidan vert ei lita fjordbygd på Nord-Vestlandet råka av ein katastrofe. Ei snøfonn sopar med seg eit heilt båtlag på veg til kyrkjes. 10-årige Rakel overlever som ved eit mirakel ulukka, men misser mest heile ætta si. Vreiden er framhaldet av Fonna – og andre bandet i trilogien Desse mine Minste …

I Vreiden freistardei etterlatne å få livet til å gå vidare, om enn på eit haltande vis. Når gråbeinen Lars får fritt spelerom av Presten i soknet, vert alt snudd på hovudet att. Både Rakel og Sina må gjere lagnadstunge val som fylgje av Lars si hjartelause framferd. Og jamvel Gud lèt vere å gripe inn for å verne desse sine minste.

Gamlekona Randina fortel meir om lagnaden til den gåtefulle kvinna Ramnen, som kom vandrande over fjella for fleire tiår sidan, og som synte seg å ha evner som knapt kunne vere av denne verda. Randina opnar seg for Sina om fleire iheltagde og skamlagde hendingar frå Ramnen si tid, og om korleis den mystiske migebota i tunet på Storeneset kom til.

Romanen er ein fiksjon, men byggjer på faktiske hendingar – og hentar elles tilfang frå forteljartradisjon, uløyste gåter, segn og folketru i forfattaren sine heimetrakter.