Is-slottet

Omtale

Is-slottet (1963) er ein roman som representerer Vesaas på høgda av den skapande krafta. Boka fortel om venskapen mellom to jenter i gryande pubertetsalder, Siss og Unn.

Unn går for langt inn i den frosne fossen, og Siss kjempar ein lang vinter mot frosten i sitt eige sinn. Jentene opplever først at det blir knytt band mellom dei på eit vis dei ikkje kan forklare. Dei er to av ei og ei i to.

Dette er ein roman om vaknande kjensler, om å vere åleine og framand i verda, om å vere barn og stå på terskelen til eit vakse medvit, og om det mørke grenselandet i sinnet der mange slags krefter, draumar og drifter strir om makta.

For Is-slottet fekk Tarjei Vesaas – som første norske forfattar – Nordisk råds litteraturpris i 1964.