Nattergal

Rett før påske debuterer Kai Martin Brekke med spenningsromanen “NATTERGAL” der han har lagt handlinga til barndomsbygda Flåm. Ei hetebølgje har lenge halde bygda i eit jarngrep. Sommaren skal bli endå varmare. Drepande varm, og blodig. Ein amerikansk professor blir funnen myrda på Flåmsbana. I jakta på gjerningsmannen møter lensmann Mikkel Holo ei ukjend side av bygda si historie, eit dødleg kvinnefellesskap og skruppellause hemnarar. “Nattergalen” syng i Flåm og set etterforskingsteamet på ein manndomsprøve før den endelege oppgjeret ved ein av dei mange turistattraksjonane i bygda.